Tvorogli kulichlar

242
zirauz
zirauz4411492

    Masalliqlar:
    XAMIRTURUSHLI ARALASHMASIGA:
    50 millilitr sut
    1 osh qoshiq un
    1 choy qoshiq shakar
    8 gramm quruq xamirturush
    XAMIRIGA:
    250 gramm tvorog
    350 gramm un
    50 gramm sariyog’
    100-120 gramm shakar
    2 ta tuxum
    1 ta tuxum sarig’i
    2/3 choy qoshiq tuz
    2 choy qoshiq vanil shakari
    150 gramm shakarlangan meva(sukatalar)
    2/3 choy qoshiq zarchava
    1/2 choy qoshiq maydalangan muskat yong‘og’i
    GLAZURIGA:
    1 ta tuxum oqi
    120 gramm shakar upasi
    1 choy qoshiq limon sharbati
    bir chimdim tuz
    1.Xamirturushli aralashmani tayyorlab olamiz – iliq sutga xamirturush va bir choy qoshiq shakarni solib aralashtiramiz.
    Ustini sochiq bilan yopib, 15 daqiqaga qoldiramiz.
    2.Alohida idishga tuxumni chaqib solamiz, bitta tuxum sarig’i va shakarni solib, oqarguniga qadar mikserda yaxshilab, 3-4 daqiqa ko’pirtirib olamiz.
    Tuxum oqini sovutgichga olib qo’yamiz, glazuriga kerak bo’ladi.
    3.Tvorog ustidan eritilgan sariyog’, tuz, vanil shakarini solib, yaxshilab ezib olamiz. Ustidan ko’pirtirilgan tuxumni solib, aralashtirib olamiz.
    Xamirturushli aralashma(opara)ni quyamiz.
    4.Un ustidan zarchava va muskat yong‘og’ini solamiz. Hammasini suyuq aralashma ustidan quyamiz.
    Mikserning xamirga mo’ljallangan spiralsimon uchligi bilan aralashtirib olamiz.
    5.Unga botirilgan shakarlangan mevalarni solib, mikserda 1 daqiqacha aralashtirib olamiz.
    6.Xamir ustini oziq-ovqat pelyonkasi va sochiq bilan yopamiz, 60-80 daqiqa iliqroq joyga olib qo’yamiz.
    Kulichlar uchun xamir sovuq va yelvizakli joylardan qo’rqishi sabab ham, xamirni shamol bo’lmagan bir xil haroratli xonada saqlash lozim.
    7.Xamirni bo’lakchalarga bo’lamiz, aylana shaklga keltirib qolipchalarning teng yarmigacha solamiz.
    Bizlar aylanasi 11 sm kattalikdagi uchta qolipchalarda pishirib oldik.
    8.Qolipdagi xamirlar yana biroz oshishi uchun ularni iliqroq joyga, ustini sochiq bilan yopib, yana 60-80 daqiqaga qo’yamiz.
    9.170 C darajada qizdirilgan gaz pechida kulichlarni 45 daqiqa davomida pishirib olamiz.
    Pishgan-pishmaganligini gugurt cho’p yordamida tekshirib olamiz.
    Agar kulichlarning usti vaqtidan oldinroq qizarsa, unda ularni ustini zar qog’oz(folga) yordamida yopib qo’ying.
    10.Glazuriga:
    Tuxum oqini ko’pirtiramiz, oz-ozdan shakar upasi va limon sharbatini solamiz.
    Ozroq vanil ekstraktini ham solish mumkin.
    11.Kulichlarni ustini shakarli qiyom va har xil bezaklar bilan bezatamiz.
    Yoqimli ishtaha!

    Комментарии

    Для добавления комментариев необходимо авторизоваться.