Yoshlar bizning kelajagimiz

Prezidentimiz topshirig’iga binoan yoshlar bilan tizimli ishlash, salomatligini tiklash, ularning muammo va takliflarini o’rganish, bandligini ta’minlash va bo’sh vaqtlaridan mazmunli foydalanishi uchun qulay sharoitlar yaratish maqsadida Toshkent shahar sektor rahbarlarining hududlardagi o’rganishlari davom etmoqda.

Ana shunday «Rahbarlar va yoshlar» uchrashuvining navbatdagisi joriy yilning 22-may kuni Mirobod tumani 110-umumiy o’rta ta’lim maktabida o’tkazilib, Toshkent shahar prokurori, Ichki ishlar bosh boshqarmasi boshlig’i, Toshkent shahar 4-sektor rahbari hamda tuman hokimi tomonidan 70 dan ortiq ishsiz, profilaktik hisobda turuvchi, nogironligi bo’lgan qizil toifadagi yoshlar bilan suhbat olib borildi va aniqlangan muammolarning bir nechtasi joyida hal etildi. Vaqt talab etuvchi murojaatlar yuzasidan mas’ullarga tegishli ko’rsatmalar berildi.