Германия, Франция, Италия, Руминия ва Латвиянинг Ўзбекистондаги Фавқулодда ва Мухтор элчилари
Германия, Франция, Италия, Руминия ва Латвиянинг Ўзбекистондаги Фавқулодда ва Мухтор элчилари, UNICEF ҳамда Жаҳон соғлиқни сақлаш ташкилотининг юртимиздаги ваколатхоналари раҳбарлари Тошкент вилояти Қибрай туманидаги оилавий поликлиникага ташриф буюриб, аҳолини “COVID-19” инфекциясига қарши эмлаш жараёнлари билан яқиндан танишдилар.
Таъкидлаш лозимки, бугунги кунда юртимизнинг барча ҳудудларида бўлгани каби мазкур туманда ҳам эмлаш пунктлари ташкил этилиб, аҳоли вакцинация тадбирларида фаол иштирок этмоқда. Бунда эса мамлакатимизга халқаро ҳамкорлик доирасида етказиб берилаётган вакциналарнинг ўрни жуда муҳим.
Тадбирда иштирок этган экспертлар Ўзбекистонда эмлаш жараёнлари Жаҳон соғлиқни сақлаш ташкилотининг тавсияларига тўлиқ мос равишда амалга оширилаётгани, айниқса, кексалар, ногиронлар, меҳнат миграциясидан қайтган фуқаролар ҳамда ижтимоий ҳимояга муҳтож қатламга жиддий эътибор қаратилаётганини алоҳида эътироф этдилар.
“O‘zbekiston 24”нинг юқоридаги телелавҳасида шу ҳақида батафсил сўз юритилади.
{$ noItemsMessage $}