VID 20230603 102820
#uzbektosh
ЎЗБЕККА ЖОЙНАМОЗ – ЎЗБЕКИСТОН БУ
Дунё тамаддуни – азиз тупроғи,
Навқирону мумтоз – Ўзбекистон бу.
Беш минг йил наридан ёнар чироғи,
Тўмарисдан мерос – Ўзбекистон бу.
Сирли Сирдарёдай жўшқин, савлати
Амударёга хос – Ўзбекистон бу.
Карвонларсаройлари гувоҳлик хати,
Қардошларга ҳамроз – Ўзбекистон бу.
Тоғлари меҳробдай, кенг-мўл, улуғвор
Чўллари жойнамоз – Ўзбекистон бу.
Шонли байроғида Аллоҳ номи бор,
Номи кўкда парвоз – Ўзбекистон бу.
Йўлини дилидай улуғлаган эл,
Аҳилу жўровоз – Ўзбекистон бу.
Боғларида шинни тортиқ этган эл,
Мангу топгай эъзоз – Ўзбекистон бу.
Дунё тамаддуни – ҳикмат булоғи,
Бухорийдан мерос – Ўзбекистон бу.
Амир ул-мўминин, малик ул-калом,
Ўзбекка жойнамоз – Ўзбекистон бу!
Ватандан муқаддас зиёратгоҳ йўқ,
Темурбекдай овоз – Ўзбекистон бу!
Ўзбектош айтади: Замахшарийдек,
Исломдаги устоз– Ўзбекистон бу!
3-6.05.2023 йил
*
ЎЗБЕКТОШ ТЎРАХОНЛИ,
Ўзбекистон Ёзувчилар уюшмаси аъзоси, драматург, режиссёр.
{$ noItemsMessage $}