Arnold Schwarzenegger präsentiert KREISEL Electric G-Klasse

Avstriyaning Kriesel firmasi Arnold Shvarseneggerning buyurtmasiga asosan to‘liq elektrlashtirilgan Mercedes-Benz G-Class avtomobilini yig‘di, deb xabar beradi “Motor”.
Yagona nusxada tayyorlangan yo‘ltanlamasga ikkita elektrodvigatel o‘rnatildi.

Kriesel kompaniyasi turli nemis avtomobillari asosida yaratilgan bir nechta elektr avtomobillari bilan tanilgan. Masalan, avvalroq firmada VW Golf, Porsche Panamera, universal BMW 3-Series va boshqa modellar yig‘ilgan. Kriesel xususiy batareyalar tayyorlash bilan shug‘ullanadi va Avstriyada umumiy sig‘imi yiliga 800 ming kilovatt-soat bo‘lgan akkumulyatorlar ishlab chiqaradigan zavod qurmoqda.
Avstriyalik ishlab chiqaruvchilar Shvarsenegger uchun yig‘ilgan avtomobilda og‘irligi 510 kilogramm, sig‘imi 80 kilovatt-soat bo‘lgan ikkita batareya blokidan, shuningdek, 490 ot kuchiga ega elektromotordan foydalandi. Avtomobil 5,6 sekundda 100 km/soat tezlikka erishadi, eng yuqori tezligi soatiga 183 kilometr. Bir marta to‘liq quvvat bilan avtomobil 300 kilometrdan ortiq masofani bosib o‘tadi.
Avtomobilning tashqi ko‘rinishi oddiy G-Class’dan Kriesel emblemasi mavjudligi bilan farqlanadi. Akkumulyatorni quvvatlash rozetkasi benzin baki qopqog‘ining o‘rnida joylashgan. Shu bilan birga, salonda boshqa qurilmalar paneli paydo bo‘lgan. Bu panelda endi taxometr yo‘q, yoqilg‘i miqdorini ko‘rsatuvchi belgi batareya tasviri bilan almashtirilgan. Kompaniya elektr yo‘ltanlamasni ko‘p miqdorda ishlab chiqarishni rejalashtirmagan.