Tvorog va smetana solingan quymoqli pirog

347
zirauz
zirauz4411492

    Masalliqlar:
    QUYMOQLARIGA:
    2 ta tuxum
    1 osh qoshiq shakar
    1/2 choy qoshiq vanil shakari
    140 gramm un
    500 millilitr «Prostokvashino» suti
    1-2 osh qoshiq o’simlik yog’i
    bir chimdim tuz
    TVOROGLI ASOSI UCHUN:
    450 gramm «Prostokvashino» tvorogi
    1 ta tuxum
    1 osh qoshiq shakar
    SMETANALI ARALASHMASI UCHUN:
    340 gramm «Prostokvashino» smetanasi
    50 gramm shakar
    1 dona tuxum
    10 gramm vanil shakari
    1 choy qoshiq limon yoki apelsin po’sti
    Tayyorlanilishi:
    1. Tuxum ustidan tuz va shakarni sepib, venchikda ko’pirtirib olamiz.
    2. Sutni quyib, unni elab solamiz va silliq holatga kirgunicha yaxshilab aralashtirib olamiz. O’simlik yog’i va tuzni ham solamiz.
    Xamirni 15 daqiqaga tindirib qo’yamiz.
    3. Yaxshi qizigan tovaga quyib, quymoqlarni pishirib olamiz. Pirog uchun 7-8 dona quymoqlar kerak bo’ladi.
    4. Tvorogli asosni tayyorlab olamiz:
    Tvorog, tuxum va shakarni aralashtirib olamiz.
    5. Cheti ochiladigan 18 sm li qolipni olamiz va bir necha qavat qilib, tubi va chetlariga folga to’shab chiqamiz. Chetlari va tubini yaxshilab yog’laymiz.
    6. To’rtta quymoqchani solamiz, bunda bir yarimtasi qolip tubida, ikitasi chetlarida va bittasini o’rtasiga to’shaymiz.
    7. Tvorogli aralashmani yarmini solib, tekislab olamiz.
    Ustidan ikkita quymoqni to’shaymiz.
    8. Qolgan tvorogli asosni solib, chetidagi quymoqlarni buklab, asos ustini yopib olamiz.
    Gaz pechini 190 C darajaga qizdiramiz.
    9. Smetanali aralashmani tayyorlaymiz:
    Smetanani tuxum, shakar va vanil shakari bilan aralashtirib olamiz.
    Pirog ustidan quyib, apelsin yoki limon po’stini sepamiz.
    10. Pechga qo’yib, 30-35 daqiqa davomida pishiramiz.
    11. Pishgandan so’ng, pech darchasini ochib, pirogni sovutamiz.
    Pirog sovigandan so’ng, pechdan olib, qolipidan ajratamiz va 6 soatga sovutgichga olib qo’yamiz.
    12. Tayyor pirogni kesib, dasturxonga tortamiz. Yoqimli ishtaha!

    Комментарии

    Для добавления комментариев необходимо авторизоваться.