Aziz yoshlar

Siz mahallangizni poytaxtdagi mashhur mahallaga aylantirmoqchimisiz? O‘zingiz sevgan mashg‘ulot bilan shug‘ullanib katta yutuqni qo‘lga kiritmoqchimisiz? Unda bu eʼlon aynan siz uchun!
Toshkent shahar Ichki ishlar bosh boshqarmasi 17 yoshdan 30 yoshgacha bo‘lgan mahalla yoshlarini voleybol musobaqasiga taklif etadi.
Sog‘lom turmush tarzini targ‘ib qilish, uyushmagan yoshlarni birlashtirish, ularni jismoniy tarbiya va sport bilan shug‘ullanishga jalb etish, yoshlar o‘rtasida voleybolni ommalashtirish, shuningdek voleybol sohasidagi iqtidorli yoshlarni aniqlash va qo‘llab quvvatlash maqsadida voleybol bo‘yicha Toshkent shahar IIBB boshlig‘ining kubogi musobaqalari start berilganligini eʼlon qilamiz.
Joriy yilning 15 fevraligacha havaskor mahalla yoshlaridan iborat alohida qizlar va o‘g‘il bolalar jamoalari shakllantiriladi.
Musobaqa 3 bosqichda o‘tkaziladi:
1-bosqich: 15-25 fevral kunlari sektorlar kesimida g‘oliblar aniqlanadi;
2-bosqich: 26 fevral – 5 mart kunlari tumanlar kesimidagi g‘olib jamoalar aniqlanadi.
Tuman bosqichida g‘olib deb topilgan jamoalar qimmatbaho sovg‘alar bilan taqdirlanadilar.
3-bosqich final: 6-20 mart kunlari o‘tkaziladi. Unda eng yaxshi qizlar va o‘g‘il bolalar jamoalari aniqlanadi.
Voleybol bo‘yicha Toshkent shahar IIBB boshlig‘ining kubogida g‘olib deb topilgan jamoa aʼzolarining har biriga 7.000.000 so‘mdan, ikkinchi o‘rinni egallagan jamoa aʼzolarining har birga 5.000.000 so‘mdan, uchinchi o‘rinni egallagan jamoa aʼzolarning har biriga 3.000.000 so‘mdan pul mukofotlari topshiriladi. Shuningdek, musobaqaning final bosqichida g‘olib deb topilgan yoshlarga sport razryadlari beriladi.
Mazkur musobaqada ishtirok etish istagini bildirgan yoshlar mahalla profilaktika inspektoriga yoki yoshlar yetakchisiga murojaat qilishlari so‘raladi.
Imkoniyatni qo‘ldan boy bermang! O‘zingizni ko‘rsating!