Yog’li krem bilan to’ldirilgan eklerlar

Masalliqlar:
XAMIRIGA:
200 gramm un
100 gramm Maselko «Derevenskoe» o‘simlik-sariyog’li yog’i
180 millilitr suv
2 gramm tuz
5 ta tuxum
KREMIGA:
200 gramm Maselko «Derevenskoe» o‘simlik-sariyog’li yog’i
150 gramm shakar
2 ta tuxum sarig’i
2 osh qoshiq makkajo’xori kraxmali
250 millilitr sut
1 choy qoshiq vanil shakari
1.Qozonchaga yog’, suv, bir chimdim tuzni solamiz va gazga qo’yib, qaynash darajasiga keltiramiz.
2.Qaynayotgan suvga unni elab solamiz va yaxshilab aralashtiramiz.
3.Aralashma shar holatiga kelguniga qadar aralashtirib olamiz. Olovni o’rtacha qilib, yana bir daqiqa davomida aralashtrib turamiz.
4.Xamirni boshqa idishga olib, aralashtiramiz va taxminan 60 C haroratgacha sovigunga qadar qoldiramiz.
5.Tuxumlarni boshqa idishga chaqib solamiz va venchikda aralashtiramiz. Xamirga tuxumlarni solib, mikser yoki lopatka yordamida yaxshilab aralashtirib olamiz.
6.Xamirni qandolatchilik qopchasiga solamiz, «yulduzcha» uchligini ulagan holda, pergament qog’oz to’shalgan patnisga uzunchoq shakllar, 8 sm uzunlikdagi, 2 sm qalinlikdagi eklerlarni chiqarib olamiz.
7.Ularni 190 C darajada qizdirilgan gaz pechda 8-10 daqiqa pishirib, so’ng haroratni 170 C ga tushiramiz va yana 20 daqiqa davomida pishirib olamiz.
8.Kremini tayyorlaymiz
Qozonchaga tuxum sarig’i, shakar va vanil shakarini solamiz. Gazga qo’yamiz.
Kraxmalni ham sepib, yaxshilab aralashtirib olamiz.
9.Qozonchaga sutning ⅓ qismini (100 ml) quyamiz. Yaxshilab aralashtirib olamiz. Aralashtiramiz, shakar erigandan so’ng esa qolgan sutning hammasini quyamiz (150 ml).
10.Massani past olovda, ustida mayda pufakchalar hosil bo’lgunicha qaynatamiz.
11.Quyulgan kremni boshqa idishga olamiz va ustini yelim xalta bilan yopib, sovigunga qadar qoldiramiz.
12.Xona haroratida sovigan kremga yumshoq sariyog’ni solamiz va mikserda 5 daqiqa davomida ko’pirtiramiz.
13.Kremni qandolatchilik qopchasiga solamiz, eklerlarni ozgina teshib, ichini krem bilan to’ldiramiz.

Yoqimli ishtaha!