ShHTga a’zo davlatlar Tashqi ishlar vazirlari kengashining yig‘ilishiga (23-24.V.201
Yig‘ilishda Qirg‘iziston Respublikasi, Qozog‘iston Respublikasi, Rossiya Federatsiyasi, Tojikiston Respublikasi, Xitoy Xalq Respublikasi va O‘zbekiston Respublikasi tashqi ishlar vazirlari Erlan Abdildayev, Yerlan Idrisov, Sergey Lavrov, Sirojiddin Aslov, Van I va Abdulaziz Kamilov hamda ShHT Bosh kotibi Rashid Alimov va ShHT Mintaqaviy antiterror tuzilmasi Ijroiya qo‘mitasi direktori Yevgeniy Sisoyevlar ishtirok etdi.
Tashkilot faoliyatining turli yo‘nalishlaridagi hamkorlikning hamda xalqaro va mintaqaviy masalalarda tashkilot roli va o‘rnini oshirishning hozirgi holati va rivojlanish istiqbollari muhokama qilindi.
Muloqot davomida 2015-yilning 9-10-iyun kunlari Ufa shahrida bo‘lib o‘tgan ShHTga a’zo davlatlar rahbarlari kengashi yig‘ilishi yakunlarini amalga oshirish jarayoni yuzasidan fikr almashildi. Shu nuqtayi nazardan ShHTga a’zo mamlakatlar davlat rahbarlari kengashi tomonidan tasdiqlanishga taqdim etiladigan ShHTning 2025-yilgacha rivojlanish strategiyasini amalga oshirish bo‘yicha harakat dasturining ahamiyati qayd etildi.
ShHTga a’zo davlat maqomini qabul qilish maqsadida Hindiston Respublikasi va Pokiston Islom Respublikasining majburiyatlari to‘g‘risida memorandum imzolash masalasini Davlat rahbarlari kengashiga ko‘rib chiqish uchun taqdim etishga qaror qilindi.
Muloqot bo‘yicha sherik maqomini berish to‘g‘risida Ozarbayjon Respublikasi, Armaniston Respublikasi, Kambodja Qirolligi va Nepal bilan memorandumlar imzolanganligi vazirlar tomonidan maqullandi.
Yig‘ilishda tashkilot doirasida amaliy hamkorlik qilish uchun kuzatuvchi davlatlar hamda muloqot bo‘yicha sheriklarni yanada keng ko‘lamda jalb qilishning zarur ekanligi qayd etildi.
{$ noItemsMessage $}